పాట : నేను నీకై పుట్టినాననీ
చిత్రం : చంటబ్బాయ్
సంవత్సరం : 1986
రచన : వేటూరి
సంగీతం : చక్రవర్తి
గానం : బాలు & సుశీల
పల్లవి:
నేను నీకై పుట్టినాననీ ... నిన్ను పొందకా మట్టికాననీ
చెమ్మగిల్లే కనులతో ... చేయి పట్టే మనసుతో
చేసుకున్న బాసలూ ఊసులే ప్రేమ .. ఊపిరే ప్రేమ ......
చరణం 1:
నిన్ను చూడక నిదురపోనీ రెండూ నేత్రాలు
కలల హారతి నీకు పట్టే మౌనమంత్రాలు
నిన్ను తాకక నిలవలేనీ పంచప్రాణాలు
కౌగిలింతలా గర్భగుడిలో మూగ దీపాలు
ప్రేమ మహిమ తెలుప తరమా ......... ప్రేమ జీవన మధురిమ //నేను//
చరణం 2:
శ్రీ అనే తెలుగక్షరంలా నీవు నిలుచుంటే
క్రావడల్లే నీదు వెలుగులా ప్రమిదనై ఉంటా
ఓం అనే వేదాక్షరంలా నీవు ఎదురైతే
నాదమై నిన్నాలపించే ప్రణవమై ఉంటా
ప్రేమ మధుమ తెలియ తరమా ......... ప్రేమ జీవన మధురిమ //నేను//
